'Etita

 

Kataki kae 'oatu mu'a 'eni ko ha response ki he ongo tohi 'a Tuaileva, 'o tanaki atu ki he lau 'a Makasini mo Sina.

 

'Oku ou kau he fa'a talanga he Matangi Tonga. 'Oku lahi 'eku ngaahi tohi (koe fakaha pe 'eku fakakaukau fakaeau kae 'ikai ko hono tu'uaki e govt pe demo) kuo pulusi mai pea lahi pe moe ngaahi tohi kuo 'ikai pulusi.

 

Koe taha 'eni 'eku ngaahi tohi hili pe 'a e 1611. 'E fakamaau'i 'eha ni'ihi 'o pehe ko 'eku poupou ki he pule'anga  ka na'e 'ikai pulusi mai ia. 'Oku ou fiemalie pe he malolo ha'aku tohi kau lau pea ako mei he ngaahi tohi kehe he kaveinga tatau.

 

 

Letter 1

 

‘Etita

 

‘I he aho 1 ‘o Me 2003, ne fakaha ‘e Bush ‘a e “Mission Accomplished” mei he vaka uta vakapuna tau koe USS Abraham Lincoln. ‘Oku lolotonga kei ‘ekea ‘e mamani pe koe ha kuo accomplished ‘i Iraq he ‘oku ‘ikai 'aupito aata mai 'e vave ni ha tuku e ta’emanonga moe mate 'i Iraq.  ‘I he ‘aho 16 ‘o Novema 2006 kuo fakaha ‘e ‘Akilisi Pohiva kuo fai e ikuna he kuo fai e felotoi ke fili e toko 21 mei he kakai pea fili e toko 9 mei he kau nopele he 2008.

 

‘Oku ‘ikai ha’aku toe veiveiua  ‘e fakafa’ahi e kakai ‘o fe’auhi ki he sea ‘e 21 pea koe tafa’aki ‘e fili kiai e toko 9 nopele te nau pule kinautolu. ‘Aia koe mafai totonu (balancing power) ia ‘e kei nofo pe ia moe kau nopele kae ‘ikai koe kakai, 'o hange koe lolotonga ni. Koe temokalati moe liliu koaa ‘eni kuo ikuna?

 

‘Oku ‘ikai foki ha’aku toe veiveiua ‘e kei hoko hono fili ‘ehe kau nopele ‘e toko 33 ‘a e 30% ‘o e Fale koe fo’i fakapona ‘e kei hokohoko atu aipe ha moveuveu he kaha’u.  Koe ikuna koaa ‘a e fili ‘e he 99.99% ‘oe fonua ‘a e 70% ‘o e Fale pea fili ‘ehe .01% ‘a e 30% pea koe temokalati moe liliu koaa 'eni?

 

Lolotonga ‘a e tuku ngaue ‘a e ta’u kuo hili ne ha ai e ngaahi T-shirt moe lea ko ‘eni: “Do it once, do it right.”    Ne mei lahi ‘anoa pe e to’u Fale Alea 2007 ke kei hoko atu ai hono Talanoa'i  ha fa’unga ‘oku napangapangamalie  pea ‘e tu’uloa ai e melino, kimu’a he fili ‘o e 2008.

 

‘Ofa atu

 

Sailosi Finau, Auckland, NZ

 

PART 1 OF 2