Ko e taha e ngaahi lea fakatalutalu ‘oku ne pukepuke ‘a fufula ‘a e melino ‘i he nofo ‘a kainga pea mo ‘etau nonofo fakasosaieti pea na’a mo ha fa’ahinga feohi fakaenofo pe ‘i he ‘Otumotu Anga’ofa ko e lea ‘oku ‘ulu’i tohi ‘aki ‘a e kolomu ni TAUHI VAHA’A NGATAE.

Talu ‘eku kei si’i hake ‘i Tonga mo ‘eku sio tonu he tonunga ‘a e si’i kakai ‘o e fonua he fie tonu mo e launoa ‘eiki. ‘Ikai to e ha ki’i kavenga ‘a e hou’eiki hono fua ko e konga ia tokua ‘o e tauhi. ‘Oku totonu foki ke mahino ko e vaha’a ngatae ‘oku ua pe lahi hake ‘a e faha’i pe ngaahi faha’i pea ‘i he’e ne pehe pea ‘oku hoko ai ‘a e tauhi pea langa’i ai ‘a e fetauhi’aki.’Oku ‘ikai ‘aupito te u fakaanga’i ‘a e tauhi vaha’a ngatae he ‘oku totonu ke pukepuke ‘a fufula ‘a e sipinga mo’ui ko ia. Ko e me’a ‘oku ou tokanga ki ai ‘i he kolomu ni ko hono hanga ‘e he kau ma’u mafai ‘o pa’usi’i ‘a e fa’ahinga molale tuku fakaholo ko ia ko e TAUHI VAHA’A NGATAE.Kuo tonunga hake ‘a lalo ki ‘olunga ka ‘oku ‘ikai lava hifo ‘a ‘olunga ki lalao .’I hono ‘ai mahino kuo hanga ‘e lalo pe kakai ‘o fai kakato honau fatongia pea kuo lava lelei ia ka ko e sio ko ia ki he tafa’aki ‘a e hou’eiki ‘o to e palaku ange mo fakalielia ange ‘a e sipinga tauhi va ‘a e Tu’i ki hono kakai. ‘I he lau ‘a’aku ‘o makatu’unga ai ‘a e ‘ulu’i tohi ‘o e kolomu ni kuo tauhi hake ‘a lalo ki ‘olunga ka e hanga ‘e ‘olunga ia ‘o hae ‘a e kau’a ngatae pea to e taki mu’a pe ‘a Tupou v he hae .’I he lau ‘a’aku pe ko hono ‘ai mahino ko e fu’u Tu’i hae ngatae pea ne to e ‘omi mo e fu’u Palemia ‘oku to e tahi kehe atu ha’ana hae, to e kaunga pisinisi mo e ongofu’u ‘Initia hae pea kuo nau kafataha he hae pea mo’oni e koniseti ‘a Ika kuo nau tau’aki halu hae. Kuo hae atu e Tupou V mo e ongo ‘Initia e ‘Uhila ,pea fehalu atu mo e ‘initaneti pea fahi matofitofi atu mo Fonualei pea fetoho atu mo e tukuhau mo e ha fua ha fua pea hae atu ‘e he Palemia ‘a e Hina pea fakasisina atu mo e kau ngaue Faka-Pule’anga mo e tata’o atu mo e tuku….. mo e ha fua ha fua.’Oku ‘ikai te u fie lave heni ki he kau ma’umafai kehe he’e ‘osi’osi peesi ka ko e fu’u kau tu’ilangilangi pe he hae ‘oku ou fie lave ki ai.  

‘I he tu’unga ‘oku ‘i ai ‘a Tonga he ngaahi ‘aho ni ‘i he lau ‘a’aku kuo holofa e ngatae ia pea kuo ‘ikai to e mo’oni e fetauhi’aki he kuo ‘a ‘a e kakai ‘o ‘ilo honau fakapoongi .Kuo falala ‘a e Tu’i ia mo e kau ma’u mafai ki he ‘a maka mo e ‘a ukamea ka e fakaholofa e ngatae , ‘a e ngatae na’e fai ai e melino.

 

LETTER - Sitaleki Tupou

FANAU'I 'E HE TEMOKALATI HA PEPE MAHAKI'IA 'I TONGA.

'Oku ou fakatulou atu mo e faka'apa'apa mo'oni ki he Tala 'o e Fonua pea mo ha Tonga pe 'oku a'u atu kiai 'a e ki'i tohini meihe kii popao 'oku ou 'alo'alo holo ai 'o fai 'eku fangota ke  mo'ui ai hoku famili.

'I he taimi 'oku kamata ke fatu ai ha pepe fo'ou 'i he  manava 'o e fa'e, 'e kamata leva ke ne teuteu'i 'a 'ene mo'ui ki he tanaki fo'ou ki he famili, kau ai mo e 'a'ahi mo muimui'i 'a e ngaahi fale'i 'a 'ene Toketa, hange nai ko e ngaahi talatalaifale 'e fai ange 'e he 'ene fa'e he kuo ne fou mai 'i he ngaahi taukei 'o e mo'ui kau ai mo hono fa'ele'i 'o 'ene tama 'oku lolotonga feitama.  Pea pehe tokua 'i he ngaahi sivi mo e 'a'ahi fakafalemahaki 'a e fa'e na'e 'ilo ai 'oku 'iai 'a e palopalema ki he sino 'o e kii pepe 'i he MANAVA 'O 'ENE FA'E.

Na'e tu'utu'uni leva 'e he Toketa ke FAKATOKOTO 'A E FA'E ki he ngaahi sivi pe koeha 'a e founga 'e lava ai ke FAKAHAOFI 'A 'ENE TAMA 'OKU TE'EKI KE FA'ELE'I MEIHE TOE TUPULAKI 'A E MAHAKI 'I HE PEPE. 'I HE HILI HA UIKE MO E NGAAHI SIVI MOE FAKA'ATA, NA'E 'ILO AI TA KO E PALOPALEMA IA 'OKU 'IKAI KO E PEPE TA KO E SINO 'O E FA'E, NA'E TUPUNGA MEI AI 'A E MAHAKI'IA 'A E KI'I PEPE FO'OU TE'EKI KE FA'ELE'I MAI MEIHE MANAVA 'O 'ENE FA'E.

 

(1) TA FAKAMALOHI 'AE KAU PISINISI-destructive & reckless behaviour and NO HUMAN RIGHTS

(2) FAKAEHAUA & MAUMAU KI HE FONUA rioters & looters

 

 

 

tu'a 'ofa 'atu

 

'Alaa si'i kakai tonga

 

'oku lau koe fa'inga malie eni kia teau keu vahevahe atu 'ae mahino ko eni kuo hoko 'ae ngaahi mea lahi i mamani koe toe kau 'ae kakai lotu ihe faka lele 'oe fonua pe koe puleanga pea kapau e tuku ange pe 'ae mea 'ae puleanga kihe kakai 'oku nau osi fili kenau fka lele e sai pe ka kohono maumau koe toe kau atu 'ae kau taki lotu hono fka kaukaui' kainga tonga he oku mooni emau lea mei motu "koe tupu pe eta faa he koe fehopo kaki ihe siakale kehe kae ke alu koe kau taki lotu o lotu fka matoato ke lotui 'ae kau taki hoo tau fonua ke nau mau ha poto ke fka lele aki pea tau taki taha ngaue ke mau ha moui ai hoo tau ngaahi famili

 

Lol

tangatai fonua 

Fakamolemole  pe 'Etita ka kuo hanga 'e Sitaleki  Tupou 'o fokotu'u e makamaile he mala'e 'o e 'uhinga pea kuo ne to e 'ai au ke u mavahe mei he munoa kau feinga a ke u kau he politiki he ta ko e me'a ia 'oku sai pe. Ko 'eku kole atu ki he kau loto mamahi, fefe mu'a ketau liliu e ngaahi lea 'oku ngali fakamatatu'a he tohi 'a Sitaleki hange ko e hae ke ngaue'aki pe ha ngaahi lea 'e ongo lelei fakamolale ketau 'analaiso'aki 'ene fakakaukau. Ko 'eku fie'ilo pe ki he ngaahi me'a ne 'omi he tohi 'a Sitaleki pe 'oku mo'oni pe 'ikai.Hange ko 'eni pe ko e ma'u 'e Sitaleki meife 'a e pehe 'oku pa'usi'i 'e he Tu'i 'a e 'uhila 'o hange ko 'ene tukuaki'i? 'oku mo'oni nai pe 'ikai? Fefe ketau 'analaiso ange ia ketau kamata mei ai ka e tuku e lau fakafo'ituitui he 'ikai ha me'a ia 'e ma'u ai.

 

Faka'apa'apa atu

Halapio