NEWS TNEWS VIDEO
 
ABOUT CONTACT SUPPORT LETTERS
 
 
TNEWS VIDEO LETTERS TO THE EDITOR TNEWS HEADLINES
TONGANS UPSET AFTER MICHAEL LAWS COMMENTS OKAYED
‘Oku hoko foki ‘a e hao ‘a Michael Laws mei he NZ Broadcasting Standard Authority ke ne faka’ita’i ‘a e kakai Tonga tokolahi ‘i Nu’usila ni. Pehe ‘e Mesui Soakai ‘o Otara, “’oku ‘ikai ke fair ‘a e fa’ahinga tu’utu’uni ko ‘eni”. ‘I he ‘aho 12 ‘o Sepitema, na’e fakaanga’i ai ‘e Michael Laws ‘a e Tu’i ‘o Tongaa (Late King Tupou 1V) ‘i ha’ane polokalama felafoaki ‘i he Radio Live ‘o pehe ko e Tu’i ‘o Tonga ‘oku hange ha fu’u “fat brown slug”. Na’e makatu’unga mei ai ‘a hono launga’i ‘e John Anderson ‘o ‘Aokalani ‘a Michael Laws ‘o pehe kuo ne maumau’i ‘a e kupu 1,7 pea mo e huluhulu 7a ‘o e Radio Code of Broadcasting Practice. Kuo hao ‘a Michael Laws ‘aneafi mei he nima malohi ‘o e NZ Broadcasting Standards Authority. Na’e pehe ‘ehe BSA ki he NZ Herald ‘oku ‘ikai ke nau ‘ilo ha fehalaaki ‘a Laws pea na’a nau to e pehe foki ‘oku ‘ikai ke hanga ‘e he lea ‘a Laws ‘o fakasi’isi’i (belittle) pe fakaanga’i ai ‘a e kakai ‘o Tongaa. Pehe foki ‘e Mesui Soakai, ‘oku ‘ikai ke tokanga ia ki he ongo ‘a e kakaii ka ko e ongo ‘a e famili tonu ‘o ‘Ene ‘Afio kuo unga fonua ‘aee na’e fai ki ai ‘a e lea fieme’a ‘a Laws. “Tangata lea vale mo lea fieme’a”. Pehe foki ‘e Laws, ‘oku hanga ‘ehe fakamaau totonu ‘a e BSA ‘o pukepuke ki ‘olunga ‘ene totonu ko e tokotaha host ‘o e polokalama felafoaki ke ne tukuange mai ‘ene fakakaukau ‘o fakatatau ki he natula ‘o e kaveinga na’e fai ai ‘a e fakakikihi ‘o e ‘aho koia pea ‘oku.ne fu’u fiefia ‘aupito he ola ‘o e fakamaau. Na’e to e fakaanga’i foki ‘a Laws, ‘i he’ene fakafisinga’i ‘a e tu’utu’uni mei he pule’angaa ke fakatoumoloto ‘a e fuka ‘o e vahenga kotoa pe ‘i Nu’usila ni ko e fakahaa’i ‘a e faka’apa’apa ki he hala ‘a King Tupou 1V, ‘i ‘Aokalani. Na’e pehe ‘e Michael Laws ia ‘e ‘ikai ‘aupito ke fakatoumoloto ‘a e fuka ‘o e vahenga Wanganui - Pea na’e ‘ikai fakatoumoloto ‘a e fuka ia ‘o e vahenga Wanganui.
Thursday, 21 December 2006
Story: Setita Millar