TALI
LELEI ‘E HE MAYOR ‘O E MANUKAU CITY COUNCIL
‘A E KOLE ‘ A E PALEMIA ‘O TONGA, DR.
FELETI SEVELE
Wednesday,
21 February 2007
Na’e
tali lelei ‘ehe Mayor ‘o e Manukau City Council
– Sir Barry Curtis ‘a e kole tokoni ‘a e
Palemia ‘o Tongaa – Dr. Feleti Sevele, ki hono
langa fo’ou ‘o Nuku’alofaa.
Na’e tukuatu ai ‘ehe Manukau City Council
‘enau kau mataotao he ngaahi ‘elia ‘o e
town planning, ‘enisinia hala, pea pehe foki ki ha kau
mataotao he langaa. Neongo na’e ‘iai
‘a e ngaahi fakafepaki mei he kaungaa Councillors ki he
founga na’e ngaue’aki ‘e Sir Barry ki
hono tali ‘o e kole ‘a e Palemia, ka na’e
fiefia ‘a Sir Barry ‘o ne pehe ki he TNEWS
“kuo tolona atu ‘a e loa koiaa
…….”. Ko e tokoni ko
‘eni ‘a e Manukau City Council ki
Nuku’alofaa – ‘oku nofo ia ‘i
he tafa’aki fakataukeingauee. Ko hono
fakapa’anga ‘o e fo’i ngauee
‘oku fua pe ia ‘e Tonga. Na’e
lahi foki mo e ngaahi fakaanga ‘o pehe ‘ehe
ni’ihi ia ko e feinga ‘eni ‘a Sir Barry
ke ne ma’u ‘a e loto ‘o e kau Tonga nofo
‘Aokalani ki he fili ka hokoo. Na’e
faka’ikai’i mamafa ‘e Sir Barry
‘a e lau koiaa. “‘Oku
‘ikai ‘aupito ke u fiema’u ‘e
au ‘a e vouti ‘a e kau
Tongaa…..”,
ka ko ‘ene fietokoni pe ki hono kaunga’api he
pasifiki.
Seita
Millar