Kuo ngaue ‘a e va’a ‘o e takimamata ‘a Tongaa ke tu’uaki mai ‘a e ngaahi matanga faka’ofo’ofa ‘o Vava’u, Ha’apai, Ongo Niua, ‘Eua pea mo Tongatapu ki Nu’usila ni.

Na’e ngatuu ‘a e taha ‘o e ngaahi hotele manakoa taha ‘i loto ‘Aokalani – Langham hotel, he fakatu’uta ‘a e Tonga Tourism Bureau ‘i he mahina kuo ‘osi, lolotonga ‘a e Air New Zealand Tonga Tourism Road Show 2007.  Na’e me’a foki ai ‘a e Minisita ‘o e takimamata ‘a Tongaa – Hon. Fineasi Funaki, pea mo ha kau fakafofonga mei he ngaahi va’a ‘o e taki mamataa – Ha’apai, Vava’u, ‘Eua, pea mo e Ongo Niuaa.  Ko e fehu’i na’e nofo he fakakaukau ‘a e kau fakaafe mei Nu’usila ni, pe ko e ha nai ha ngaahi lelei ‘o Tonga ke makatu’unga ai ha fie folau kiai ‘a e kau folau ‘eve’evaa.

Na’e faka’ali’ali ai ‘ehe kau fakafofongaa ‘a e ngaahi ‘uhinga ‘oku totonu ai ke fika ‘uluaki ‘a Tonga ‘i he palani folau ‘eve’eva ‘a e kau muli:

Pea ko hai te ne lau ‘a e ngaahi fo’i tau’olunga fakatonga ‘e mamata ai ‘a e kau folau ‘eve’evaa, lolotonga ‘a ‘enau ‘a’ahi ki Tongaa.  Na’e malie angakehe ‘a e kulupu floorshow na’e lava mai mo e takimamata ‘a Tongaa, to e pe ke ki’i fakalelei’i si’i ‘a e kau hiva.  Ko e fakakatoaa na’e fu’u malie ‘aupito.

Sulieni Leiti