Kuo hoko hono fakaloloa ‘o e Emergency Powers ‘i Tongaa ke hoha’a ai ‘a e kau fakafofonga ‘o e kakaii. Ko e tu’o tolu ‘aki ‘eni hono toutou fakaloloa atu ‘a e mafai ‘o e kau polisi mo e kau sotia ‘i Tongaa.  ‘I he malumalu ‘oe Emergency Powers Act, ‘oku hanga ai ‘ehe Kapineti ‘o Tongaa ‘o ‘oange ki he kau polisi mo e kau sotia ‘a e totonu pe mafai ke nau ngaue’aki ha fa’ahinga force ‘i he taimi ‘oku nau fehangahangai ai mo ha taha ‘oku nau pehee ‘oku matamata’i halaia.   Ko e taumu’aa ke pukepuke ‘a e maau ‘o e fonuaa. ‘Oku to e ma’u foki ‘ehe kau polisi mo e kau sotiaa ha mafai ke nau ta’ofi ha me’alele ‘o hua pe ko ‘enau hu ki ha fale ‘o ha taha ‘oku nau mahamahalo na’a nau kau he faihia ‘o e ‘aho 16 ‘o Novema 2006 - ‘o hua ta’e ‘iai ha warrant.   Na’e pehe ‘e ‘osi pe ‘a e pule ‘a e kau polisi mo e kau sotiaa he ‘aho 17 ‘o Tisema 2006, pea to e fakaloloa’i mai ia ki  Fepueli, pea to e fakaloloa’i ‘eni ki Ma’asi.  Pehe ‘e ‘Akilisi Pohiva, ‘oku ‘iai ‘a e hoha’a ki he toutou fakaloloa ko ‘eni ‘o e Emergency Powers pea neongo ‘oku malu pe ‘a Tonga ka ko e fuoloa ange hono taataapuni kinautolu mei he kakai ‘o e fonuaa, ko e to e lahi ange ia ‘a e palopalema ‘e hokoo

 

View this story on TNEWS video stream.

 

Copyright 2007 - All Rights Reserved