Ko e taha foki ha palopalema lahi ‘oku tupu fakautuutu ‘i ‘Aokalani ni ‘i he to’utupu ‘o e Pasifikii ko e palopalema ‘o e faihiaa.  ‘Oku laui miliona ‘a e pa’anga ‘oku fakamoleki ‘ehe pule’anga ni ‘i he ta’u ke tauhi ‘aki ‘a e ngaahi pilisone ‘oku tauhi ai ‘a e kau faihiaa.  ‘Oku fakafuofua ki he pa’anga ‘e fitu mano tupu ‘oku tauhi ‘aki ‘ehe pule’angaa ha tokotaha faihia, nofo ‘i Pilisone ‘i he ta’u ‘e taha.  ‘Oku lolotonga lele foki ‘i he taimi ni ha ngaahi fono fakavahe ‘a e Ministry of Justice pea mo e kau taki ‘o e ngaahi community mei he pasifikii ke vakili pe ko e ha nai e tupu’anga ‘oe faihia ‘a e fanau mei he pasifiki. Pehe ‘e he fakafofonga mei he Ministry of Justice – Fuimaono Taulauniu Tuiasa’u, ‘Oku totonu pe ke ‘oua te tau panic he tu’unga ‘oku ‘iai ‘etau fanauu he taimi ni, ka ‘oku ‘iai ‘a e totonu ke tau to e tokanga ange ki he ngaue ‘oku loto ‘a e pule’angaa ke fakahokoo, hei’ilo ‘e holo ai ‘a e levolo ‘o e faihiaa he to’utupu ‘o e pasifikii. ‘Oku loto lelei foki ‘a e pule’angaa ke fa’u ha fo’i komiti ke nau hanga ‘o fakahoko ‘a e potalanoa mo e kau taki ‘o e ngaahi community pea pehe foki ki he kau taki mei he ngaahi programme providers ‘o hangee koia ko e To’utupu Tonga Trust.  Ko e komiti ko ‘eni, ‘oku ‘iai ‘a e  fakafofonga ‘o e fonua mei he pasifiki takitaha.  

Pehe foki ‘ehe Talekita ‘o e Talaasiti ‘a e To’utupu Tonga ‘i Nu’usila ni – ‘Ikilifi Pope, neongo ‘oku lahi ‘a e ngaahi ‘uhinga ki he tupu’anga ‘o e faihia ‘a e fanau Tonga nofo ‘i Nu’usila ni, kau ai ‘a e ‘ikai malava ke ma’u ‘a e fiema’u ‘a e fanauu pea mo e ‘ikai ke ma’u ‘ehe matu’aa ha taukei fakatauhi fanau lelei ke nau malava ‘o matu’u-e-kina ‘a e palopalema faka-e-to’utupuu.

Ko e konga lahi ‘o e poloseki ko ‘enii ‘oku fakapa’anga ia ‘ehe Ministry of Justice.

 

View this story on TNEWS video stream.

 

Copyright 2007 - All Rights Reserved