TONGA NEWS A38

LATEST

EPISODE

OF TNEWS

LIST OF EPISODES

TONGANS SPLIT OVER ANTI-SMACKING BILL

Wednesday, 28 February 2007

Tongans in New Zealand have split views over Green List MP Sue Bradford’s new smacking bill.

Hoha’a ‘a e matu’a Tonga nofo Nu’usila ni ‘e ni’ihi, ki he hangehangee ka to’o faka’aufuli ‘ehe lao ‘a Nu’usila ni, ‘a hono ngaue’aki ‘o e taa – ki he akonekina ‘etau fanauu. ‘I he ‘aho Pulelulu uike kuo ‘osi, na’e toe foki mai ‘a e ‘isiu ‘o e taa - ke alea’i ‘ehe falealea ‘o Nu’usila ni: Pehe foki ‘ehe fa’ahi fakaanga kihe fo’i lao fakaangaanga ko’eni, ‘oku totonu pe ke kei ngaue’aki ‘a e smacking ki hono akonekina ‘o e fanauu he taimi ‘oku nau leangata’a ai. They went on further to say that a small smacking from a loving parent would not abuse the kid but rather do them good. Pehe foki ‘ehe ngaahi matu’a tokolahi ia, ko e anga ‘eni ‘a e founga tauhi fanau ‘a e Tongaa pea ko ‘etau fanauu ‘atautolu ia ke taa’i pe ka nau ongongofua. Na’e lea malohi ‘a e ngaahi matu’a ‘e ni’ihi ki TNEWS ‘o pehe, ko e ‘uhinga ‘oku nau ta ai ‘enau fanauu ko e’uhi, ko ‘enau ‘ofa ia ‘iate kinautoluu. Kapau na’e ‘ikai ke nau ‘ofa, te nau tukutuku pehe’i pe ‘enautolu ‘enau fanauu ke nau leangata’a pe. Na’e pehe foki ‘ehe Public Education Advisor mei he Child Youth Family – Mr. Kaleti Moala Mafi ki he TNEWS – “Me’a ni, te tau kei ui ‘a e ngaahi ta ‘oku tataha ‘aki ha fu’u va’akau e ‘ulu ‘o e ki’i tamasi’i pe ki’i ta’ahinee ‘o lavea?” Te tau kei ui ia ko e ‘ofa?”. Na’e tukuange mai foki ‘e he loea Tonga koia ko Nalesoni Tupou ha fakatokanga mahu’inga ma’ae kakai Tonga nofo Nu’usila ‘i he polokalama ni, ke nau tokanga ki he taa, he kuo ‘osi ‘iai ‘a e ngaahi matu’a kuo ‘osi fa’ao ‘ehe pule’angaa ‘a e fanauu meiate kinautolu - tupu mei he taa.

Na’e ‘iai foki ha lipooti ‘a e UNICEF ‘i he ta’u 2003, ‘aia na’e pehe ai ‘ehe lipooti ko ‘enii, ‘oku te’eki ai ke nau ma’u ‘e kinautolu ha fakamo’oni ‘oku ‘iai ha kaunga ‘a e smacking pe ko e ta fakafuofuaa ki he pa’usi’i ‘o e fanauu.

View this story on TNEWS video stream.