NEWS TNEWS VIDEO
 
ABOUT CONTACT SUPPORT LETTERS
 
 
TNEWS VIDEO LETTERS TO THE EDITOR TNEWS HEADLINES
TONGA'S BLACKLISTED REJECTS
Fika ‘uluaki ‘a ‘Alani Taione he “black list”! Na’e ma’u ‘e he TNEWS ha fakaha ‘o pehee ‘oku ‘asi ‘a e hingoa ‘o e kau poupou ki he liliu fakatemokalati ki Tonga mei Nu’usila ni ‘i he lisi ‘uli’uli ‘a e kau sotia ‘a Tongaa. Ko e ngaahi hingoa ‘oku ‘omaii ‘oku pehee ‘oku fika ‘uluaki ai ‘a ‘Alani Taione, ua atu ki ai ‘a Tu’iono Liava’a, ‘Okusi Mahina; Setaleki Tupou ‘o ‘Aokalani, Nu’usila. Na’e fetu’utaki foki ‘a e TNEWS ki he ‘ulu’i ‘ofisi ‘o e Tonga Defence Service ka na’e pehee ‘ehe tokotaha tali telefonii ko Line, ‘oku ‘ikai pe ke to e ngofua ke fai ha talanoa telefoni pea mo e Commander pule: Commander Tau’aika ‘Uta’atu. Na’a ku kole pe ‘e lava ‘o fai ha fepotalanoa’aki mo ha taha pe, pea pehe ‘e Line ke toki telefoni ange na’a ‘ataa ‘a Tongapo’uli Aleamotu’a ‘apongipongi – (We will keep you posted). Na’e pehe ‘ehe faiongoongo ‘a e nusipepa Kele’a mei Tonga – Lautala Pohiva, kapau ‘oku kau hoto hingoaa he lisi ‘a e kau sotiaa pea ‘e ‘ikai ke ngofua ha’ate fefolau’aki tatau pe ki tu’apule’anga pea mo e ‘otumotu ‘o Tongaa foki. Na’e pehe ‘e Lautala, ‘oku ‘ikai ngata pe hono ta’ota’ofi ‘a e kakai ‘oku kau he lisi ‘a e kau sotiaa, ka ‘oku to e kau atu foki ki ai pea mo e toenga kotoa honau ngaahi familii. Na’a ne fakatataa ‘aki ‘o pehee na’e fakahoko ‘e he ‘amipasitoa Siainaa ki Tongaa ha tokoni ki he ‘apiako Kolisi Tongaa pea na’a ne fakaafe’i ‘a e pule akoo - Ponapate Taunisila (mali ‘o Lepolo Taunisila – Fakafofonga falealea ma’ae ongo Niua), ke ne lava mai ki hono ‘api nofo’angaa ‘o ma’u mei ai ‘a e me’a’ofaa - ka na’e ‘ikai lava ke hu ‘a e puleakoo ki he ‘api ‘o e ‘amipasitoaa, ko e’uhi, he ko e kupu ia ‘o e famili ‘o Lepolo Taunisilaa, pea ‘oku tapu ke ne hu ki he feitu’u koiaa. Na’e fakahoko pe leva ‘a e foaki me’a’ofa ko ‘enii he ve’e ‘aa ‘i tu’a. Na’e to e feinga foki pea mo e taha ‘I he kau memipa ‘I he komiti temokalati ‘a Tongaa – Toketa ‘Aivi Puloka pea mo hono famili ke nau folau mai ki muli ni ka na’e ‘ikai ke ngofua ke nau folau ki tu’apule’anga. Ko kinautolu koia mei Nu’usila ni ‘oku kau honau hingoaa ‘i he lisi ‘uli’uli ‘ae kau sotiaa – kapau ‘oku nau nofo fonua (permanent residence) pea ‘e ngofua pe ke nau folau ki Tonga ka ‘e fa’iteliha pe ‘a e kau sotiaa kiate kinautolu. Te nau pule’i mo monitoa ‘enau mafihunga kotoa pe pea ‘ikai ngata ai, ka kuopau ke ta’ofi kinautolu ‘i Tonga ka e ‘oua leva kuo lava lelei ‘a e ngaue ‘a e kau sotia mo e kau polisi kiate kinautoluu. Pea kapau leva ko e tokotaha ko e kuo ke ‘osi liliu kakai ‘o ke hoko ko e citizen Nu’usila, ‘e tauhi koe ‘i mala’e vakapuna, ‘o fakatatali ai ke nau to e fakafoki mai pe koe ki he fonua na’a ke folau ange mei aii ‘i he vave tahaa. ‘Oku kau katoa foki ‘a e kau fakafofonga ‘o e kakaii pea mo honau ngaahi famili, kau memipa ‘o e komiti temokalati ‘a e kakaii pea mo honau ngaahi famili pea mo e kau memipa ‘o e pisinisi Tongaa mo honau ngaahi famili he ngaahi taputapui ko ‘enii.
Wednesday, 13 December 2006
Claimed persons’ on Tonga’s Blacklist
Story: Setita Millar