06-01-2011, 01:10 PM
![[Image: Relationship%20Services%20logo.gif]](http://www.kiwifamilies.co.nz/UserFiles/Image/Relationship%20Services%20logo.gif)
Mālō e lelei
Ko e fanongonongo eni ki hotau kāinga lea faka-Tongá 'ata'ataa pē pea 'oku nau nofo faingata'a'ia tupu mei he mofuike na'e tō 'i Christchurch.
Ko e mofuike ni na'a ne uesia kotoa 'e tau mo'ui. Ko e ni'ihi 'ia kitautolu na'e mole ho tau 'api nofo'angá pea mo 'etau ngāué foki. Kuo hiki nofo mama'o atu hotau ngaahi kaume'á – pea lahi 'a e ngaahi faingata'a'ia 'oku tau fekuki mo ia.
Ka ko e fanongonongo ni ko e vakai'i atu pe 'oku ke fēfē? Fakatau ange 'oku tukungamālie e me'a kotoa. Ka 'okapau te ke fiema'u ha taha ke mo pōtalanoa he lea faka-Tongá, 'e lava ke fai ia 'i ha tokoni makehe mo ta'etotongi ma'au.
'I he mahiná ni, 'e lava ai ke ma'u atu ha tokoni fale'i mo ha ngaahi fakahinohino ma'au 'i he lea faka-Tongá mei he va'a ngāue 'a e pule'angá ko e Relationship Services. Te ke lava ai 'o fakahā mai pe 'oku ke fēfē mo 'oatu ha tokoni 'e ala ma'u ma'au. 'E lava 'o ma'u ha'o 'apoinimeni ke fai eni 'i ha'o telefoni 0800 735 283.
Ko e kau ngāue fale'i te nau fai ení, ko e kakai kuo 'osi ako'i ke nau fakaongo atu mo kumi ha founga tuha ke tokoni'i ai koe.
Ko e fakamahino atu pē ke ke 'ilo 'oku 'ikai hano kovi 'a e kumi tokoní. Ko e ngāue ni 'oku fai ia he founga malu 'o 'oua na'a 'ilo ki ai ha taha pea 'oku taau ke fiema'u ha tokoni he hoko ha faingata'a'ia pehē ni. Telefoni 'i he lea faka-Tongá 'i he māhina ni pē, ki he Relationship Services 0800 735 283 pea te mau tali atu ke tokoni'i koe.
