01-21-2008, 05:54 PM
Friendly Islands Human Rights & Democracy Movement Inc.
(Kautaha Ngaue ‘a e Kakai ki he Totonu ‘a e Tangata & Temokalati ‘Ihe ‘Otumotu Anga’ofa Inc)
1st Floor, Uata Building, Room No. 5, PO Box 843, Nuku’alofa, Tonga
Tel: (676) 25501; Fax: (676) 26330; Email: HYPERLINK "mailto:demo@kalianet.to" demo@kalianet.to
MEDIA RELEASE
January 21, 2008
(Kautaha Ngaue ‘a e Kakai ki he Totonu ‘a e Tangata & Temokalati ‘Ihe ‘Otumotu Anga’ofa Inc)
1st Floor, Uata Building, Room No. 5, PO Box 843, Nuku’alofa, Tonga
Tel: (676) 25501; Fax: (676) 26330; Email: HYPERLINK "mailto:demo@kalianet.to" demo@kalianet.to
MEDIA RELEASE
January 21, 2008
KE TALIUI ‘A E PULE’ANGA KI HONO TUKU KI TU’A ‘A E NI’IHI ‘OE KAU MINISITA
‘Oku fehu’ia ‘e he Kautaha ‘a e Kakai kihe Totonu ‘a e Tangata moe Temokalati ‘oe Otumotu Anga’ofa Inc, ‘a e feto’aki he tu’utu’uni ‘a e Pule’anga ke tuku ki tu’a ‘a e ni’ihi ‘oe kau Minisita ‘a e Pule’anga. Ne toki tuku atu ki tu’a ‘a Hon. Fielakepa (Lord Chamberlain, Minisita Malolo ‘oe Fonua, Savea moe ngaahi koloa fakaenatula) pea ‘oku te’eki ke mahino mai meihe ‘Ofisi Palasi hono ‘uhinga.
Na’e fakamaloloo’i ‘a e Minisita Malolo kihe Ngoue, Peauafi Haukinima mei hono fatongia faka-Minisita, tupu he “‘ulungaanga ta’etaau” ‘o ‘ikai ke fenapasi mo hono lakanga kae ‘ikai ke fakahoko ‘ehe Pule’anga ha tu’utu’uni ‘e taha kihe “‘ulungaanga ta’etaau” ‘a e Minisita kihe Ma’u Ngaue, Ako Ngaue, To’utupu moe Sipoti.
Na’e pehe meihe ‘Ofisi Palemia, ‘oku lolotonga malolo ‘a Siosiua ‘Utoikamanu pea ‘oku ‘amanaki ke foki mai kihe ngaue he Pulelulu 23 Sanuali, 2008. ‘Oku te’eki ke fakaha mai kihe kakai pe kohai ‘oku ne fetongi fakataimi ‘a ‘Utoikamanu. Ne tuku ki tu’a ‘a Hon. Fielakepa mei hono fatongia fakalangilangi koe “ Lord Chamberlain” he uike kuo ‘osi ka ‘oku te’eki ke mahino mai pe koe Fakamaloloo’i (dismissed) pe ‘ikai. ‘Ihe ngaahi tukuaki’i kotoa koia fekau’aki moe Minisita Takimamata, Fineasi Funaki, na’e pehe ‘ehe Palemia ‘o Tonga, faka’osinga ‘oe uike kuo ‘osi, ‘oku “ tonuhia kae ‘oua kuo fakamo’oni’i pe ‘oku halaia (pe ‘ikai) ‘ehe Fakamaau’anga”.
‘Oku pehe ‘e ‘Akanete Ta’ai Lauti, Talekita, Kautaha ‘a e Kakai kihe Totonu ‘a e Tangata moe Temokalati, ‘oku nau tokanga pe koeha ‘a e “faka’uhinga’ ‘oku ngaue’aki ‘ehe Pule’anga kihe “misconduct” / “ulungaanga ta’efe’unga” he ‘oku ne tautea’i ai ‘a e ni’ihi ‘oe kau Minisita kae ‘ikai ke taute’a’i ‘a e ni’ihi. Ko hono ngaue’aki ko ‘eni ‘oe tefito’i mo’oni fakalao koe “ …tonuhia kae ‘oua kuo fakamo’oni’i pe ‘oku halaia (pe ‘ikai) he Fakamaau’anga” ‘oku totonu ke ngaue’aki ia kihe taha kotoa ‘o a’u kihe kau Minisita pea koeha ‘oku ‘ikai ke tuku fakataimi ai ‘a Fineasi Funaki ki tu’a kae ‘oleva kuo mahino mai meihe fakamaau’anga pe ‘oku tonuhia pe ‘ikai??
‘Oku tui ‘a e Kautaha ni koe tu’utu’uni ‘oku ngaue’aki kia Fineasi Funaki ‘oku totonu ke toe ngaue’aki pe ia kia ‘Utoikamanu mo Fielakepa kapau ko ‘ena mavahe mei he ngaue koe “’ulungaanga ta’efe’unga”.
‘Oku te’eki ke ma’u ‘ehe ‘Ofisi ni ia ha fakamatala ke fakapapau’i ‘a e ‘uhinga ‘oku tuku ai ki tu’a ‘a Hon. Fielakepa pea tupu meihe ‘ikai ke ‘ata ki tu’a ‘a e ngaahi fakamatala moe ‘ikai taliui ‘a e Pule’anga he ngaahi me’a lahi ‘oku mau tui ai koe ngaahi feto’aki he fakahoko tu’utu’uni ‘a e Pule’anga ‘oku ne fakamahino mai ai ‘a e ngaue’aki filifilimanako ‘oe mafai.
Fetu’utaki kihe ‘Ofisi FIHRDM 25-501, Fale Uata,, Nuku’alofa.
_____________________________________________________________________