07-28-2011, 12:19 PM
July 28th, 2011
Kuo ‘ikai toe hoko atu ‘a e hopo ‘a Feleti Sevele mo e Kele’á ‘a ia ne lolotonga lele hano kikihi’i fakalao ‘e he kau loea a e ongo fa’ahí ‘i Nu’u Silá ni fakatatau ‘eni ki he nusipepa Kele’a ‘o e uike ní.
Ko hono faka’ilo ‘eni ‘e he palēmia ki mu’á, Feleti Sevele ‘a e Kele’á ‘i ha’ane ‘atikolo ne ha ai hano tukuaki’i ia ‘o pehē na’á ne kau ‘i he ni’ihi ‘o e kau taki na’e tonu ke taliui ki he mate ‘a e toko 74 ‘i he MV Princess Ashika.
Fakatatau ki he Kele’á na’e kaniseli ‘a e hopó ni ‘i he māhina kuo ‘osí ‘i ha fokotu’u ‘a e loea ‘a Feleti Sevelé pea ‘i he hili ia ha ngaahi fetu’utaki fakalao mo e loea ‘a e Kele’a, Dr. Rodney Harrison.
Ko e kau faka’iloa ‘e toko 4 ne tātikite ‘a ia ko e Kautaha Kele’a, Tokotaha ‘a’ana ‘a e Kele’a ko Po’oi Pohiva, Faipulusi ko Lautala Pōhiva Tapueluelu pea pehē ki he talēkita pule ‘o e Kele’á ‘i Nu’u Silá.
Na’e tātikite foki heni mo e tokotaha ko ‘Uhila Liava’a tu’unga ‘i ha’ane tohi ‘ētita ‘ana ka kuo iku kaniseli kotoa ‘eni.
Kau foki ‘eni he hopo ne hikofi ‘e he ngaahi mītia Pasifikí tautefito ki Tonga mo Nu’u Silá ni ‘o tu’unga ‘eni i ha fakamatala ki he mītiá na’e tuku mai ‘e he pule’anga ki mu’á ‘i he ta’u kuo ‘osí ‘o pehē kuo totongi ‘e he Horton Media Ltd ‘a e pa’anga na’e ‘eke ‘e Feleti Sevelé.
Ko e Nusipepa Kele’á pe foki ‘e taha ‘a e pepa komeesiale Tonga ‘oku kei paaki ‘i he kautaha lahi ko ‘eni ko e Horton Ltd ‘i Nu’u Sila pea na’e kau mo ia ‘i hono faka’iló koe’uhi ko hono pulusi ai ‘a e Kele’á.
Na’e fakamahino ‘e Mathew Horton ko e talekita pule ‘o e fale paakí ni ki he Kele’á na’e fiema’u pe ia ke nau totongi ‘enautolu e pa’anga ne ‘eke ‘e Feleti Sevelé koe’uhi ka nau ‘atā kinautolu ki he’enau ngaahi ngāue tefitó.
Ka ne toki to’o ia ‘e he mītia Tongá ‘o faka’uhinga’i ko e fo’i totongi ko iá na’e ‘uhinga ia kuo ulungia ‘a e Kele’á he hopó ni.
Ne taki taha fua pe ‘ene fakamole ‘e he ngaahi fa’ahí ‘o fakatatau ‘eni ki he fakamatala ‘a e Kele’á.
SOURCE: http://www.kanivatonga.co.nz/2011/07/28/...ti-sevele/
Kuo ‘ikai toe hoko atu ‘a e hopo ‘a Feleti Sevele mo e Kele’á ‘a ia ne lolotonga lele hano kikihi’i fakalao ‘e he kau loea a e ongo fa’ahí ‘i Nu’u Silá ni fakatatau ‘eni ki he nusipepa Kele’a ‘o e uike ní.
Ko hono faka’ilo ‘eni ‘e he palēmia ki mu’á, Feleti Sevele ‘a e Kele’á ‘i ha’ane ‘atikolo ne ha ai hano tukuaki’i ia ‘o pehē na’á ne kau ‘i he ni’ihi ‘o e kau taki na’e tonu ke taliui ki he mate ‘a e toko 74 ‘i he MV Princess Ashika.
Fakatatau ki he Kele’á na’e kaniseli ‘a e hopó ni ‘i he māhina kuo ‘osí ‘i ha fokotu’u ‘a e loea ‘a Feleti Sevelé pea ‘i he hili ia ha ngaahi fetu’utaki fakalao mo e loea ‘a e Kele’a, Dr. Rodney Harrison.
Ko e kau faka’iloa ‘e toko 4 ne tātikite ‘a ia ko e Kautaha Kele’a, Tokotaha ‘a’ana ‘a e Kele’a ko Po’oi Pohiva, Faipulusi ko Lautala Pōhiva Tapueluelu pea pehē ki he talēkita pule ‘o e Kele’á ‘i Nu’u Silá.
Na’e tātikite foki heni mo e tokotaha ko ‘Uhila Liava’a tu’unga ‘i ha’ane tohi ‘ētita ‘ana ka kuo iku kaniseli kotoa ‘eni.
Kau foki ‘eni he hopo ne hikofi ‘e he ngaahi mītia Pasifikí tautefito ki Tonga mo Nu’u Silá ni ‘o tu’unga ‘eni i ha fakamatala ki he mītiá na’e tuku mai ‘e he pule’anga ki mu’á ‘i he ta’u kuo ‘osí ‘o pehē kuo totongi ‘e he Horton Media Ltd ‘a e pa’anga na’e ‘eke ‘e Feleti Sevelé.
Ko e Nusipepa Kele’á pe foki ‘e taha ‘a e pepa komeesiale Tonga ‘oku kei paaki ‘i he kautaha lahi ko ‘eni ko e Horton Ltd ‘i Nu’u Sila pea na’e kau mo ia ‘i hono faka’iló koe’uhi ko hono pulusi ai ‘a e Kele’á.
Na’e fakamahino ‘e Mathew Horton ko e talekita pule ‘o e fale paakí ni ki he Kele’á na’e fiema’u pe ia ke nau totongi ‘enautolu e pa’anga ne ‘eke ‘e Feleti Sevelé koe’uhi ka nau ‘atā kinautolu ki he’enau ngaahi ngāue tefitó.
Ka ne toki to’o ia ‘e he mītia Tongá ‘o faka’uhinga’i ko e fo’i totongi ko iá na’e ‘uhinga ia kuo ulungia ‘a e Kele’á he hopó ni.
Ne taki taha fua pe ‘ene fakamole ‘e he ngaahi fa’ahí ‘o fakatatau ‘eni ki he fakamatala ‘a e Kele’á.
SOURCE: http://www.kanivatonga.co.nz/2011/07/28/...ti-sevele/